A∙dokni reservation policy ni bidingo VPP-ni President Ardent Miller Basaiawmoit cha∙a gri jegalaniko dake aro uamangni meligrikgijaniko mesokanichi, Sorkari gitalgipa kam rangko aro ra∙mangipa porikkani result rangko nakatataniko dontongataha.
Ia reservation policy ko nipilaniko dakja dipet VPP rang uamangni dakjomaniko dontongjawa ineba parakatangaha. An∙ching a∙dokko adita bilsirangna porikka rangko ra∙na gita nengnikaniko man∙beaha.
Re∙anggipa bilsi bongaoba COVID-19 sabisi ni a∙selo aditan kam na senge dongengipa chadamberang bang∙a nengnikaniko man∙aha. Apsan daken unoni joljol High Court order ni gita roster system ko ra∙gatna nanga ine rai on∙achiba bilsisa ni gita dontongatna nangaha.
