A∙dokni ni manderang sorkarini kamko man∙a bil am∙sokja ine sakantian u∙ia aro VPP dol maming saloba sakantina kamko on∙a ku∙chaka dongja ine Voice of People’s Party ni dilgipa Ardent Miller Basawmoit, June jani 7 tariko aganangaha. Ua ia kattarangko uni dolni kosako roster system aro reservation policy ni bidingo manderangko jingjengatna aro tom∙tomaniko nosto ka∙na jotton ka∙enga ine matnangani bidingo agantalate on∙atskaaha.
Manderang chingni dolni kosako matnangani aro ra∙onani kattarangko agana jotton ka∙enga indiba chinga darangnaba reservation roster ni bidingo neng∙nikanirangko chel∙ata ong∙ode sakantian kamrangko man∙gen ine ku∙chaka dongja ine Ardent Miller agantalate on∙atangaha.
A∙dok sorkarini Expert Committee ko ra∙gatani kamko mittelpilaniko parake, ua roster system ni bidingo namgipa manderangko committee na seokaniko dakgen aro kakket ja∙kuko de∙aniko nikna ka∙dongsoenga ine VPP dilgipa Ardent Basawmoit agandapangaha
