June jani 8 tariko, Mylliem ni Congress MLA, Ronnie V Lyngdoh ko mikkang chakgrike sorkari baksa warachakgipa dolni dal∙batgipa dilgipa ba Leader of Opposition (LO) songangaha.
Ronnie V Lyngdoh ko Meghalaya Legislative Assembly ni Speaker Thomas A. Sangma ni ra∙chakaniko man∙e, June jani 8 tarik dipet mikkang chakgrikgipa dolni dal∙batgipa dilgipa (LO) ni kamko jak o ra∙anggen ine Meghalaya Legislative Assembly kobor ra∙timgiparangna parakaniko dakangaha.
MDA 2.0 sokariko ra∙gata intal, mikkang chakgrikgipa dolrangoni chu∙ongagita MLA rang dongjani a∙selo mikkang chakgrikgipa doloni darangba dal∙batgipa dilgipani biapko ra∙na ba kangna gita man∙jaha.
