Garo hills ni A∙chik chadambe saksa, Baghmara Bolsalgre-ni Dippu Ch. Sangma-ko Duleep Trophy o North East Zone dolna kal∙na seokaha. Ua batang gimin salo ong∙atgipa Vijay Hazare Trophy oba captain ba dilgipa ong∙e Meghalaya cricket dolko re∙dilangahachim.
Dippu Sangma, Meghalaya a∙dokna skanggipa 2018-19 bilsirango Vijay Hazare Trophy o kal∙na a∙bachengaha. Ua uni kal∙anio gona aro dokna sapbegipa mande ong∙a. Da∙o ong∙nasienggipa Duleep Trophy June jani 28 oni July 28 ona ong∙anggen.
