June jani 10 tariko Tura aro Jowai-o Meghalaya State League 2023-ni semi final rangko kal∙chakatanggen ine parakangaha.
Skanggipa semi final jean Rangdajied aro Lajong dolrangni kal∙susaaniko Jowai-ni Kiang Nangbah Stadium-o kal∙chakatanggen. Gnigipa semi final jeon Khliehmawlieh aro Mawlai dolrangni kal∙susaaniko PA Sangma Sports Complex, Tura-o kal∙aniko dakangskagen aro semi-final kal∙susaanio, Tura ni MP, Agatha Sangma mongsonggipa sokgipa ong∙e bakko ra∙anggen.
