Niamko name tale u∙i ma∙sigipa manderang baksa a∙dokni reservation policy ni gimin name u∙ie ra∙china seokgimin manderangna tom∙aniko UDP rang ong∙ata.
Ia tom∙aniko June jani 8 tariko UDP-ni President Metbah Lyngdoh dilangaha aro tom∙aniko ong∙atani miksonganiara party ni MLA rang maikai niamo pangchake ia reservation policy ni kosako so∙sojengjeng ong∙engani gimin u∙ie ra∙na gita man∙gen, niamko u∙i ma∙sigipa manderang baksa agan golpogrikangaha ine UDP ni working president aro Cabinet Minister Paul Lyngdoh parakataha.
Ia tom∙aniara roster system aro reservation policy ni gimin name tale ma∙sie party ni gita nambate chanchie kam ka∙na gita man∙gen ineba Lyngdoh agandapaha.
