Aadhaar ko phone number baksa nangrimatchina WGH ni DC manderangna u∙iata

West Garo Hills a·jani ning·o songdongenggipa manderangko, Aadhaar baksa phone number-ko nangrimatchina aganaha, jedakode changsana jakkalgipa number ba One Time Password (OTP) ko jakkale mikkangchi ma∙mongni sorkarini scheme rangko man∙a gita amgen ine West Garo Hills a·jani Deputy Commissioner u·iataha.

Indake ong·engon, sorkarini on·enggipa dingtang dingtang scheme-rang, jekai MGNREGA, NFSA, NSAP, LGP, MHIS, PM-KISAN aro Post- Matric Scholarship-ko man·a gitaba da·o Aadhaar-ko nangchongmotahani gimin pilakkon Aadhaar-o phone numberko nangrimatchina gita Deputy Commissioner didiataha.