Na∙tokrangoniko formalin-ko porikka ra∙ani ostrorang donga ine WGH-ni DC parakata

Mijal walni bako formalin-ko porikka ra∙ani ostro rang a∙jani Food Safety Office-o donga aro mang 100 na∙tokrangko porikka ra∙na gita man∙gen ine West Garo Hills a∙jani DC, Jagdish Chelani u∙iataha.
Re∙anggipa 8 tariko a∙dokni a∙paloniko ra∙bagipa na∙tokrangko ra∙bana sal15 na beng∙ahachim maina mang 40 na∙tokrangko porikka ra∙anio mang 30 na∙tokrangniko formalin ba be∙enna namgijagipa bostu jekon cha∙anio on∙na beng∙achim, ua bostuko na∙tokrangko porikka ra∙anio man∙aha. Formalin mandeko cancer sabisiona sokata aro 30ml mang changsano minokgenchimode rang∙san siaonaba sokatna man∙a.