West Garo Hills a∙jani DC Jagdish Chelani manderangni an∙seng baljokanina a∙dokni a∙paloniko ra∙bagipa na∙tokrangko dongtongchina beng∙ataha aro kragipa niamrangko ja∙rike pale sim∙e cha∙aniko dakchina u∙iataniko on∙aha.
Adita department-rang jekai Superintendent of Fisheries, District Agriculture & Horticulture officers, Chief Executive officer TMB Tura, Secretary GHADC, Food Safety Inspector, Superintendent of Police Tura, Block Development Officers aro District Medical & Health Officer, nangchongmotgipa u∙iatanirangko a∙dokni manderangna on∙e department tangtangni gita kamrangko ka∙china aro a∙jao a∙dokni a∙paloniko ra∙bagipa na∙tokrangko palaniko raken beng∙aniko dakangaha.
