June jani 13 tarik budbar attamo South West Garo Hills a∙jani Mankachar aro Assam sima ari ni Ichakuri songo, jonggipa adatangko an∙tangtangni nokni sa∙rao matgipa bostuchi su∙e so∙otaha.
So∙otgipa mandeara Ajadul Islam (bilsi 28) ong∙a aro so∙otako man∙gipara Akirul Islam (bilsi 32) Amjad Hussain ni depanterang ong∙achim. Su∙ani ja∙mano ua an∙tangan adatangko sepangbatgipa Assam-ni Mankachar CHC ona rimangahachim, indiba ua janggi galmanha ine Doctor rang parakataha.
So∙otgipa mandeko Monabari outpost ni pulisrang Ichakuri songonikon rim∙nagita man∙aha ine koborangko u∙iataha.
