Gambegre ni MLA aro Public Accounts Committee (PAC) ni membor, Saleng Sangma, June jani 13 tariko, kajina man∙anio komigipa department rangko agantalate on∙china PAC da∙bianiko dakenga ine parakataha.
Revenue, Registration and Taxation, Transport, Forest and Environment aro Mining department rang baksa tom∙e golpogrikanio kajina man∙anirang komienganiko nike adita department rangko ja∙pang ja∙dilko agantalate on∙aniko sengenga ine Sangma agandapangaha.
Uni aganani gitade Taxation department gong 89 lakh aro Excise duty chu palaoniko gong 57.83 crore ko gimaatenga ine u∙ina man∙aha. Iarangni bidingo agantalate on∙china chinga uamangna sal sni ko somoi on∙enga ine ua parakataha.
