MeECL ni Chairman aro Managing Director, Sanjay Goyal, June jani 13 tariko, karkana aro nokrango bijolo jakkalgiparang MeECL na gong 300 crore mangni gita gro dongkuenga ine parakataha. Ia gamna nangenggipa tangkarangara ru∙utbea somoirangonin donchipgimin ba galchipgimin ong∙a ine uni aganio ma∙sina man∙aha. Ia gamna nangenggipa gro rangko man∙pilna gita MeECL jotton ka∙enga ine ua agandapangaha.
Bang∙bea mobile company rang mobile tower rangna jakkalgipa bijolini kajinako gamgija donenga aro uamang ia gro rangko rang∙san gamjaode uamangna bijoli wataniko dontongatgen ine ua u∙iataha. Unbaksana noko bijoli jakkalgiparang jemangan ja 3 ba ja 6 ni gisepo lak 1 na bate gamgija donengachim uamangkoba nianiko dakanggen ine ua parakataha.
