Ri Bhoi Youth Federation (RBYF) dolrang sak 14 gipin jat manderangko sombar walni bako Ri Bhoi district o donggipa Umbang songoniko rim∙aha. Batanggimin salrangoba RBYF dol mikrake nirokaniko dake bang∙a napsrukgipa gipin jatrangko rim∙na man∙ahachim.
Uamangko gari salbaenggipa mandede Bihar aro West Bengal-oni ong∙a ine aganahachim, indiba RBYF dolni lekkarangko sing∙sandiani jamano uamang pilakkon Assam oni ong∙a ine rim∙a man∙angskaaha. Uamangni napbana man∙aniko nike sima arirango nirok sandiani chu∙ongijaniko parake, uamang pulis dolrangko namedake iani bidingo nirok sandianiko dakchina aganangaha.
