Meghalaya Social Welfare Department ni ong∙atenggipa ’50 Days Aadhaar Saturation Programme’ o jasa ong∙mankujaon aadhaar na biming segatanirang 13% oni 78.21% ona tang∙doaha.
Ia Programme ko Anganwadi centre rango on∙enggipa cha∙anirangko man∙a gita POSHAN tracker-o biming segatanirang-o nanganina Social Welfare Department a∙bachengate on∙angaha.
Ia campaign ko Ministry of Women and Child Development-ni an∙o dongenggipa aro sok kanenggipa ma∙giparang aro atchidaldal bi∙sarangoni bilsi 6 ona ong∙gipa bi∙sarang ni Aadhaar o biming segatanirang a∙doko komiani gimin Nutrition Supplementary Programme o chamgimin ko 10% ona komiatani ja∙mano a∙bachengate on∙aha.
Garo Hills ni dam gittam a∙jarangon, ia Programe ko ong∙atanichi Aadhaar o biming segatanirangko 95 % mangna barianiko nikna man∙aha. Apsandaken Khasi Hills aro Jaintia Hills rangoba Aadhaar o biming segatanirang tang∙doaniko nikangna man∙aha.
