Mijal salni bako Garo Hills Autonomous District Council (GHADC)-ni kam ka∙enggipa manderangni dormaharangko man∙chipkujaengani gimin aro GHADC-ni electoral roll-ko ra∙gatan baksa Finance aro Service Rule-rangko dabianio chu∙sokatchipkujaengni gimin Niksamso Garo Community Organization office picketingko ka∙angaha ine parakataha.
Ia dabianirangko knachakgija dongchipgenchimode mikkangchi GHADC-ni kosako rakbate jingjengatanirangko dakangkugen ineba aganangaha.
Picketing ka∙ani somoi-o, GHADC ni Executive Member rang aro Chief Executive Member Albinush Marak uamangko gronge golpogrikani ja∙mano, sal tong∙sao office picketing-ko dontongate Council-ni dilgiparangna sal 7-ni somoi ko on∙e, Garo hills-ni dingtang dingtang dolrang baksa tom∙aniko dakna nanga ine parakataha.
