East Garo Hills District a∙jani ning∙o donggipa Gongnagre songni manderang a∙king nokma Polsoni M Sangma aro uni segipa Balnang Ch Sangma ni kosako skul re∙gipa bi∙sarangna NOC ko on∙jani a∙selo chakna amjae Deputy Commissioner na sedoata. Ia NOC ra skul re∙gipa bi∙sarangna mikkangchi matric porikkako senagita bimung segatna nangchongmotgipa ong∙achim ine parakataha.
A∙king nokma batanggimin salrangoba song nokni manderangni agananirangko mamingkon knachakgija donga aro ramao ong∙a obostarangni bidingo janapoba maming ja∙kukon de∙ja ine parakataha.
