NPP aro UDP dolgni batanggimin 2023 assembly election o susae saksa sakgipinni kosako matnanggrike aganoba, da∙o uamangni MDA sorkariko bakrime chalaianio ma∙sigrikani aro u∙ichakgrikani batrikrikenga ine UDP dilgiparang aro gitcham MLA PT Sawkmie aganangaha.
Re∙baenggipa MDC election aro Lok Sabha election o dolgnian bak ra∙genchim ong∙oba uamangni meligrikani pangnan dongkamgen aro UDP ni MDA sorkario bakrimaniara manderangna kam ka∙e namgniko ra∙banasa ong∙a ine uamang agandapangaha.
