MBOSE o kamko ka∙enggipa mande Omarius D. Sangma (36) ko da∙al attam ni bako uni nokchi napdraange Anti Narcotics Task Force (ANTF) rang pekgipa bosturangko badinganina Tura Daldagre- oniko rim∙aha.
Ua mandeara MBOSE office o peon ni kamko ka∙engachim aro ANTF dolrang am∙sandianiko dake uni nokoniko Pyeevon Spas Plus samko chu∙gimik 719 mangko man∙aha ineba u∙iataha.
Pulisrangni aganani gitade ua mande ko ru∙uta somoi rangonin Tura-o pekgipa bostuko badinganina chanchichipa gnange time dongengachim ineba parakataha.
