East Jaintia Hills a∙jao pekgipa bosturangko badingenggipa mande sakgni ko heroin baksa rim∙a

Meghalaya police aro ANTF dolgni dake am∙sandianio, pekgipa bosturangko badinggipa sakgni ko Nongsning, jean Khleihriat police station ni ning∙o donggipa BMS petrol pump sepango am∙sandianiko dakna dongipa checkpost-o Contraband heroin baksa rim∙aha.

Skanggipao Aizawl oni Shillongona songrebaenggipa Thathang Touthang ko 278.03 gms heroin ko ge 26 sabon bikap rango donnue ra∙baaniko rim∙a man∙soaha. Apsan biapon 353.34 gms heroin ko dot 33 sabon bikap-o chipe ra∙baengako, tangka gong 4,700  baksa, Mahindra Scorpio gari (MZ 01D 6525) salbaenggipa Sujit Paul ko, am∙sandigipa dolrang rim∙soaha ine ua a∙jani, SP Jagpal Singh kobor ko on∙ataha.