Goa ni BJP office-o, Meghalaya aro Goa BJP dolrang “Ek Bharat Shreshtha Bharat” o pangchake tom∙bimonganiko ong∙ataha.
“Goa damsa Christian a∙dok ong∙a indiba BJP uano jat aro toromko maming baseani grian name sason ka∙na gita man∙enga. A∙doko bang∙gija BJP MLA rangchisan a∙bachengachim indiba da∙o BJP an sason ka∙na gita man∙pilaha” ine Goa ni Cabinet Minister Nilesh Cabral aganaha. Meghalaya-ba damsa Christian a∙dok ong∙a aro a∙dokni manderangko gipin torom o napdraatgen ine jangatgipa kattarangna maming kenchakani dongja, batesa a∙dokko ku∙cholsan ong∙e namroro silroroatna gita man∙gen ineba agandapangaha.
Ia tom∙anio BJP ni National Secretary, Sunil Deodhar, Goa-ni Cabinet Minister, Nilesh Cabral, Meghalaya a∙dokni BJP President Ernest Mawrie aro gipin a∙dokni official rang bakko ra∙angaha.
