Rongarara Siju ni gitcham MLA, Rophul S Marak, SGH a∙jani St Francis De Sales skulni skigipa Surujuddin Ahmed ni kosako class 7 o poraigipa Didian R Marak-ko ong∙gijadake jakkalani bidingo June ni 15 tariko Nongalbibra pulis station o badi ka∙doangaha. Uni badi ka∙anio aganani gitade Surujuddin Ahmed batanggimin salrangoba chatro chatri rangko namgija bewalo jakkalarang gnangchim indiba uni kamko skulko nirokgipa nikgijadake donaiaha ine ua janapangaha.
Skulko nirokgipa uni daka kamrangko nikchanganichi ua sasti man∙aoni joke katronga aro ian skanggipa changna anga pulisna badi ka∙doe una kraagita sastiko on∙a dakenga ine ua janapangaha. Uko badi ka∙doaniko man∙e skulni skigipa an∙tangan soi ka∙enba indakgipa kragija bewalko daktaijawa ine parakangskaaha.
