Songadamrango sanna-bannaniko sokatna Health Mela-rangko ong∙ata

A∙doko nambate sanna bannanirangko kona noksik o donggipa songadamrangona sokatna, Health and Wellness Centres, dingtangmancha Health Mela rangko a∙dokni dingtang dingtang biaprango ong∙atenga. Ia melarangko ong∙atanichi manderangna dangdike on∙na, sanna bannani a∙bako skie on∙na aro be∙en bimangko porikka ra∙anikoba dakenga. Unbaksana adita kal∙anirang, yoga aro uamangko an∙saoatgipa daka rikanirangko dake, uamang kusi ong∙e be∙en bimangni an∙seng baljokaniko skie ra∙na mela-o dakangaha.