WGH a∙jani gamchatbegipa RCC dollong ge∙sa nosto ong∙a

Agia Mendipara Phulbari Tura (AMPT), Bamundanga songni sambao donggipa RCC dollong (No. 39/2) o adita be∙sreaniko nikenga ine Tura ni Executive Engineer, PWD (R), NEC Division, parakataha. Ia ramako jrimbegipa bosturangko gatgipa garirang 9 MT na batode re∙na manjawa ine uamang u∙iataha.

Ia rama Dadenggre, Raksamgre, Tikrikilla, Chibinang, Phulbari, Mankachar aro salgipeng Assam jolchi Salmara Sub-Division ni bang∙a biaprangko nangdimatgipa ong∙a aro ia ramako re∙ruraenggiparangna neng∙nikani gri tarake taridapaniko dakanggen ine parakataha.