June jani 16 tariko reservation roster system aro reservation policy ni gimin all party-committee rang maiko chanchiahachim, uarangko sing∙sandie mikkangchi maikai ja∙ku de∙angna June 19 tarikoni uamango phone ka∙e sing∙aniko dakgen ine All-party ni skotong Ampareen Lyngdoh aganangaha.
Ia katta ma∙chongni bidingo pilak dolni dilgiparang, maiko chanchiahachim uko see on∙china gita June jani 15 tariko u∙iatahachim indiba sing∙sandiani ja∙mano dolsaba an∙tangtangni chanchiako see on∙kuja ine ma∙sina gita man∙aha aro dingtang dingtang dolni dilgiparangni chanchiani aro ku∙pattianiko senge dongkuenga ine HSPDP ni President KP Pangniang aganaha. Dilgiparangni chanchiani aro ku∙pattianiko man∙jokode, expert committee ni chanchiakoba ra∙chimonge tarie on∙gen aro a∙dok sorkari reservation policy ko nipilaniko expert committee baksa kam ka∙osa chanchiani aro ku∙pattianirangko mikkangchi ja∙ku de∙angna man∙gen ineba ua agandapaha.
A∙dok sorkari Expert Committee ni membor rangko 1972, a∙dokni reservation policy ko nipilchina Search Committee ko seokaha. Ia sakgittam membor-ni committee ko Chief Secretary DP Wahlang dilanggen, unbaksana sakgni member rangara Commissioner aro Secretary in-charge Personnel aro AR department ni R lyngdoh aro Law department ni Secretary in-charge CVD Diengoh ong∙a.
