Re∙baenggipa June 19 oni 23 ona North East-ni National Service Scheme (NSS) tom∙aniko Shillong a∙dokni North Eastern Hill University (NEHU) campus o ong∙atgen ine u∙iataha. Ia tom∙aniko Union Ministry of Youth Affairs and Sports ni gita dakdile manianggen aro ia tom∙anio dam 8 North East-ni a∙dokrangoni sak 300 mangna ‘rich culture heritage of the region’ o pangchake, NEHU ni Multi Use Convention Hall-o attamni 4:30 bajioni ong∙atgen ine kobor ra∙timgiparang parakataha.
Ia tom∙aniko oprakanio Meghalaya ni Governor Phagu Chauhan aro Education Minister Rakkam A. Sangma mongsonggipa sokgipa ong∙e programko oprake on∙angen ineba parakataha.
