United Democratic Party ni dilgipa aro Mawlai-ni gitcham MLA Process T Sawkmie NPP-ni dilenggipa sorkari MDA 2.0 ni jagittam ni somoio kam ka∙anganiko de∙doan baksa rasong on∙e agananga.
Sal 100 ni gisepo MDA sorkarini kam ka∙giminko niatgenchimode an∙ching a∙dokni manderangna nambegipa ka∙donganiko on∙a aro ia sorkari maming namgijagipa kamkoba ia jagittamni gisepo ka∙kuja ine Sawkmie aganangaha.
Unbaksana, ia sorkariko a∙gimikni aro gipin a∙songni dilgiparang re∙anggipa G-20 ni tom∙bimonganio kam rangko nike bilongen rasong on∙angaha ineba ua parakataha.
