A∙chik Literature Society (ALS) ni dolrang Mukthi R. Marak ni skanggipa lekka segipa ‘Mingsa Katta Dongachim aro Gipin Golporang’ kitapko Mason Phillips Academy o robibar salo oprake on∙angaha. Ia tom∙anio ALS-ni President Prof Caroline R. Marak kitap senokgipani katta jakkalanirangna aro uni chanchirake golporangko me∙subee seanina manderang golporangko namnikbegen ine uni agananio parakangaha.
ALS ni executive membor aro A∙chik Publisher Society, Seming D. Sangma aro TBC ni deacon Sengbat G. Momin, uamangni nama skaniko kitap nokgipana on∙anikoba nikangaha aro uni A∙chik Literature na on∙gilanina mittelpilaniko on∙angskaaha.
