Me∙rakku ko cha∙enggipa jo∙ongrangko champengna ATMA skie on∙anga

Agricultural Technology Management Agency (ATMA), Rerapara Block, South West Garo Hills, department ni gita mi-misi aro gipin ge∙a gamanirango, mongsongbate me∙rakku-o jelroroenggipa jo∙ong Fall Army Worm (FAW), ni gimin maikai uko champengna man∙gen uarangni bidingo skie on∙aniko dakangan baksa samrangko suale on∙angaha. Unbaksana Fermented Organic Manure (FOM) aro Liquid Fermented Organic Manure (LFOM) dakgipa a∙salrangko jakkale, ge∙a gamanio bang∙bate biterangko man∙ani ong∙gen ine game cha∙enggiparangna agan-talate on∙angaha.