Robibar salo TMC ni dilgipa George B. Lyngdoh, batanggimin salrango MeECL ni kamrangna aro ‘Rice scam’ ni mamlani bidingo a∙dok sorkarini sing∙sandianiko dake parakatgen ine agananina sorkariko sing∙doataniko dakaha. Uni aganani gitade sorkarini ku∙chaka da∙o jasku ong∙engaha aro da∙onan maming kobor dongkuja ine ua parakataha.
Chingna ku∙chakgiminko budget session ba dilgiparangni tom∙chakram biapo parakaniko knana ka∙dongsoachim ine ua janapangaha. Uamangni dolko sorkari andalao donenga ine sorkariko matnange, mikkang assembly budget session-o sorkari iarangni bidingo agantalate on∙skachina ua didiangaha. Inquiry committee-ni gita chingna maming u∙iatanirang dongja aro uamangni u∙iata gride chinga uamangni kamrangko ma∙sina amja ine ua agandapangaha.
