NPP ni dilengipa gitalgipa Executive Committee-o bakrimaniko on∙na, saksani chanchia ongja indiba Congress dol gimikni gita tik ka∙giminsa ong∙a ine Ronnie Lyngdoh, da∙al salni bako parakangaha. Chinga da∙o NPP dolna chakpaaniko on∙jaode Governor-ni sasonko ra∙gatnaba donga ine ua kobor ra∙timgiparangna aganangaha.
Council ni iako dakani miksonganiara a∙doko atchikape songdongkamgipa jatni manderangko aro uamangni daka rika ko ripingna aro neng∙nikani rangko chel∙chakna gita dakenga ine ua parakangaha. Ia KHADC-ni gital Executive Committee, Khasi Hills Democratic Front Alliance-ni ning∙o NPP-ni sak 12 MDC aro Congress-ni sak 6 MDC-rang bakrime kam ka∙angen.
