Cabinet Minister aro reservation roster ni committee ni Chairperson, Ampareen Lyngdoh, pilak committee-ni membor rang baksa ku∙silitingo golpoanggen aro pilak political dolrangni re∙mikkangna miksonganiko sing∙sandie u∙ie ra∙anggen ine aganangaha.
Sorkari batanggimin salo memorandum-ko ra∙bae on∙aha ine janapenba, pilak political dolrangna uamangni sing∙sandianiko dakna sombar salona somoiko on∙aha aro uamangni je sing∙anirang dongachim uko committee ni chairman ba Chief Minister ba Chief Secretary ni jako on∙ena man∙gen ine Ampareen Lyngdoh parakataha.
Ia sing∙anirangko sorkari skanggipa ma∙sie ra∙angchenggen maina reservation roster ni bidingo aganchakna sorkari pilak gadangni manderangni sing∙aniko u∙ie ra∙na nanga aro pilak sing∙anirangko nigrike kam ka∙gen ine expert committee ni Chairperson aganangaha.
