West Khasi Hills a∙jani Shallang-o donggipa Coke oven plant-ni nokgipako koela aro coke ni bosturang baksa Meghalaya pulis rang rim∙aha. A∙doko niam gri kamko ka∙enggipa manderangko am∙sandie rim∙china Meghalaya High Court pulisrangko ge∙etaha.
Bilsi 35 ong∙gipa Youdishtra Bhama Guwahati, Beltola Bongaon oni M/s Kalyani Fuels Ltd ko niam gri Shallango chalaiengachim. Adita salrangna skang niam gri chalaienggipa Coke plant-ni nokgipa Bhama ko 9000 MT koila aro 800 MT coke rangko ua niamgri chalaigipa biapo gale dongipaoniko pulisrang Magistrate rangni nikao rim∙aha ine kobor on∙timgiparang parakataha.
Pulisrang sal gittamna rim∙e donenba, Bhamako section 188/34/379/120B IPC R/w Sec. 3 (1)/21(1) MMDR Act & Sec 3, Explosive Substances Act-o pangchake Shallang Pulis station-o mokordoma ka∙aha.
