Bang∙a committee rangko dilna sorkarini gita kamrangko ka∙na rakkigiparang aro dingtang dingtang a∙dokni gadangrangna ra∙napani bidingo jakkalgipa tangka paisarang Meghalaya a∙dokna maiba namgniko on∙pilskaengama ine Trinamool Congress-ni dilgipa George B Lyngdoh sorkariko sing∙doangaha.
Bang∙a kamrangko nirokanio pilak sorkarian a∙palni dakchakaniko nanggenchimoba, ong∙gija kamrangna tangka paisarangko jakkalsreta ba gro nanga ong∙ode, sorkari uani bidingo nirok sandie kamrangko ka∙na nanga ine George B Lyngdoh aganangaha.
Pilak committee aro commission ni kamrangna rakkigiparang an∙tangtangni kamko chu∙sokatanian dal∙bea daito ong∙a. Unbaksana gisiko nange a∙dokna aro songsalna dangdike on∙gipa ong∙na nanga, aro a∙dok sorkari dingtang dingtang kamrangna rakkianio aro ra∙napanio nama ja∙kurangko de∙na nanga ine ua agandapangaha.
