VPP roster System bidingo nipiltaianiko dakgen: Ardent

Gitalgipa Office Memorandum (OM) ko ra∙chakna skang, roster ni bidingo VPP dol che∙em che∙em nipiltaianiko dakgen ine Robibar salo VPP-ni President Ardent Miller Basaiawmoit aganangaha. Sakgittam chi dilenggipa Search Committee ko a∙dok sorkari ni ra∙gatanina kusi ong∙aniko parakate, ua Committee ko uamangni dakna nanggni kamrangko ta∙rake ka∙na mol∙molanikoba dakanggen ine ua janapataha.