Pyngrope ni No-confidence motion ko ra∙gatani mangmango angko ra∙gala ong∙aija indiba NPP ni membor rang bang∙batani a∙selo aro unbaksana uamangni chubatgipa gadangni dilgiparangni ge∙etanio pangchakesa angko ra∙galaona sokaha ine gitcham CEM Titosstarwell Chyne NPP ko matnange aganangaha.
Chyne, uko ra∙gatanio jak donggiparangoni uni sepangbatgipa aro ka∙sabatgipa ripengrangba angko janggilchini chakku su∙agita cha∙bokaha ine ua aganangaha. Anga uamangna indita kamrangko ka∙e on∙ahaoba KHADC o cha∙bokaniko dontongkuja aro gital CEM uni ripengskarangni jakchi cha∙boka man∙jawa ine anga ka∙donga, ine ua agandapangaha.
Mylliem ni Congress MDC Ronnie V. Lyngdoh ko ua Leader of Opposition (LO) ong∙e NPP ni kosako assembly o sing∙donagipa ong∙pileba NPP dolnan chakpaaniko on∙aha ine Chyne uni kusi ong∙gijaniko parakangaha. Ian chokkina mikboke an∙tangtangni namgnina rikgipa dilgiparangsan ong∙aia ine ua agandapangaha.
