Assam a∙doko niroke kam ka∙enggiparangni janapatani gitade mongolbar salo mikka jimbeanichi dam 10 district-ni jolrango hajal 31 mang manderang chi dubianio chagronge dongkuenga ine Press Trust of India (PTI) ni gita parakataha.
India Meteorological Department (IMD), Assam a∙doko bang∙bata biaprango sal 5 na mikka jimbee waaniko nikanggen ine u∙iatangaha. Assam State Disaster Management Authority (ASDMA) ni salanti koborrangko parakatani gitade sak hajal 30,700 manderang Chirang, Darrang, Dhemaji, Dhubri, Dibrugarh, Kokrajhar, Lakhimpur, Nalbari, Sonitpur aro Udalguri jolrango neng∙nikaniko man∙angaha.
Apsandake sak hajal 22 manderang Lakhimpur o chi bana ong∙anichi neng∙nikaniko man∙enga unbaksana Dibrugarh o sak 3,800 aro Kokrajhar o sak 1,800 manderang chi dubianichi so∙sojengjeng ong∙aniko man∙angaha.
