BAKDIL Gram seva project ko SBI Foundation Mumbai ni dakchakanichi Dadenggre Bakdil centre o, sombar salo Health camp ko ong∙atangaha. Ia camp o District Tuberculosis Officer, Dr. Litha Sangma mongsonggipa sokgipa ong∙e bakko ra∙aha. Unbaksana Asst. TB Officer Dr. Kona Sangma; Dadenggre CHC-ni Medical Officer Dr. Dimpy Momin; District Ayush Doctor Dr. Laksmi Sangma, Dr. Debabrata Dev aro Eye Technician Dr. Rehman mongsonggipa skigipa ong∙e bakko ra∙angaha.
Camp ong∙atanio, TB saaniko maikai champengna aro sanna bannaniko dakna man∙gen, homoeopathic samrangko jakkale sabisirangko maikai sangen, mikron ni saanirangko, an∙o gnanggipa ma∙gipa rangko sanna bannani aro hospital rango bi∙sa atchiatna nangani aro MHIS-o bimingtangko segatani, bidingo mongsonge skie on∙angaha.
Unbaksana ia campo, been bimangko porikka ra∙e nianirang, porikka ra∙e nina stuko chimongani, mikkron rangko porikka ra∙e nianirang ko ba dakangaha. Ia programme ko ong∙atanichi, sanna banna niko dakenggipa manderang baksa songo dongenggipa manderang maikai meligrike janggi tangna man∙gen ine miksonge ong∙atangaha.
