KHADC Executive Committee ni be∙gruani a∙selara, UDP ni member Titosstarwell Chyne council ni scheme rangko an∙tangni constituency ona bang∙bate ra∙angani a∙sel ong∙aha ine NPP ni MDC Bajop Pyngrope aganaha.
Ia scheme rangko ra∙angna CEM adita Executive Member rangmingsan tik ka∙e kamko ka∙aha aro iako tik ka∙ani bidingo chingna mamingkon u∙iata dongjani a∙selo no-confidence motion ko ba uamangni kosako sing∙dona nangaha ineba ua aganaha.
KHADC-o dingtangdingtang kamrangna manderangko rimnapanioba simsakgija dakaha ineba matnanga ganang agangaha. Uni CEM gadangoni ong∙katna nanganiara NPP ni togie dakani a∙sel ong∙aha ine agangipara pa∙sikanisan ong∙a aro maming togia dongja maina jinmani namike ra∙chakanichisa gital Executive Committee ko seokani ong∙aha ine agandapangaha.
