WGH a∙jani Kharigaon songni ramako nirokatchina mol∙mola

West Garo Hills a∙jani Kharigaon song jean Selsella 48-Constituency ni ning∙o donggipa songni ramarang namen namjani gimin jolni manderang aro skul re∙gipa bi∙sarangni neng∙nikanirangko janape kobor on∙timgiparangna parakataha. Ua songni manderang mongsongbate wachi kario neng∙nikaniko man∙ronga maina uamangni ramarang sorok ankugijagipa ong∙a aro mikkarang jimbee waani a∙selo a∙bildek rara ong∙e re∙na dona aro gari-gora salna namen neng∙nikaniko chagrongna nangronga ine u∙iataha. Ia wachikario chagrongna nanggipa obostani gimin jolni manderangni aro skul re∙enggipa bi∙sarangni neng∙nikaniko sorkarini gita nirokatpachina uamang a∙jatangni MLA-ko mol∙molataha ine aganataha.