Garo Hills ni dambonga a∙jarango dongenggipa Catholic Institution rang, Manipur a∙doko so∙sojengjeng ong∙enggipa dontongjaengani gimin tom∙tomaniko a∙dokona ra∙bapilna re∙jomaniko ba tom∙aniko Sukrobar salo chong∙motan June 23 tariko dakanggen.
Ia tom∙aniko ba re∙jomaniko Garo Hills-o dongenggipa pilak Catholic institution rang an∙tangtangni skul aro college rango bi∙aniko dakanggen aro re∙jomanio tom∙tomani gamchatani gimin seachi parakgipa lekkarangko de∙e re∙jomaniko dakanggen ine Turani Bishop u∙iataha.
Unbaksana Sonibar salko dingtang mancha Manipur a∙dokni tom∙tomanina okimu chake bi∙chakanirangko dakna aro mombatirangko so∙e biaptangtango bi∙chakani aro re∙jomanirangko dakanggen ineba u∙iataha.
