Khasi Hills Autonomous District Council ni gitcham CEM, Titosstarwell Chyne chi dilenggipa KHADC-ni Executive Committee ni rang∙gitik be∙gruanina UDP dol NPP dilgiparangni kosako jak donga ine matnange agananina Deputy Chief Minister Prestone Tynsong, chinga iani bidingo mamingkon ma∙sija aro jak on∙paa dongja ine aganatskaaha.
UDP dolrangni matnanganina aganchakatengon Prestone Tynsong, Executive Committee ni be∙gruani a∙sel aro ja∙pangko KHADC ni MDC dilgiparang u∙ibata aro iani bidingo uamangsa nambate agana man∙gen ine agantalate on∙angaha.
