Batanggimin salo North Garo Hills aro West Garo Hills a∙jako niroksandianiko dakna re∙ange education department-ni official-rang, skigiparang aro chatro chatri rang baksa Directorate of School Education Literacy (DSEL) ni Director Swapnil Tembe golpogrikaniko dakangaha aro sakantikon poraia skianiko nambatatna miksonge ku∙cholsan ja∙ku de∙na ine didiangaha.
North Garo Hills aro West Garo Hills-o gital rikenggipa skul nokrangko aro gitcham skul nok ko taridapenggiparangkoba DSEL jako ra∙e nirokanirangko dakenga. Cherangre, L.P. Skul jekon ua jako ra∙achim ua skulni skigiparang baksaba agangolpogrikaniko dake skul name chu∙sokangenga aro skulo gital napgipa bi∙sarangni barianikoba niknagita man∙enga ine u∙iataha.
