June jani 20 tariko non-tribal badinggiparang, jemangan Council-oniko trade licence-rangko tarigija badingchiwalgiparangko rakbea nalis ka∙aniko ia gital Executive Committee-o dakgen ine KHADC-ni CEM, Pyniaid Sing Syiem mikrakataniko on∙ataha.
Council maming dakeba niam gri badinggipa non-tribal rangna nom∙e on∙jawa aro trade licence rangko Council ni enforcement wing nirok sandianiko dakronggen ine kobor ra∙timgiparangna parakataha unbaksana trade licence gri badinganiko rim∙a man∙ode dai gamna nanggen ineba u∙iataha.
Non-tribal badinggiparangni trade licence rangko Council-ni gita dingtang dingtang cholrangchi nirok sandianiko dakanggen aro uamangna licence ko on∙gen ma on∙jawa ukoba Council-ni EC tik ka∙e on∙gen ine agandapaha.
