Simsang chibimako kabatgipa dollong nosto ong∙ani gimin wachi karini somoirango Rewak songni manderang bajar anti re∙arango aro salantio re∙ruraenggipa skul bi∙sarang ringrangosa choe Simsang chibimako ga∙batna nangengani gimin namen kenchakbeani ong∙a ine songni manderang suk ong∙gijaniko parakataha.
Songni manderang Rewak dollongko tarake taripilchina South Garo Hills ni District Administration koba mol∙molataha. Apsandaken re∙anggipa bilsio chi bana ong∙anio a∙dokni skotong Minister ba re∙bae nie nosto ong∙gipa dollongko ta∙raken taripilataianiko dakgen ine ku∙rachakangahachim indiba da∙alona ba tarina a∙bachenganirang dongkuja ine songni manderang parakataha.
