Bilsi chu∙ongkugijagipa til∙ekako man∙gipa me∙chik bi∙sa an∙tangko so∙ote sia

Re∙anggipa bilsini November jao mamagipani til∙ekdraako man∙gipa bilsi 16 ong∙gipa me∙chik bi∙sa, Mawdiangdiang-o sorkarini dongchakna rike on∙gipa biapo, Budbar pringo an∙tangko kadingdee siaha.

Uni manggisiko porikka ra∙e nina North Eastern Indira Gandhi Regional Institute of Health and Medical Sciences (NEIGRIHMS) ona watataha aro uni ja∙mano uni manggisiko nokdang ni manderangna pakwatataha. Police rang uni an∙tangko so∙ote siani chong∙mot a∙selko am∙sandianirangko dakenga ine parakataha.