Directorate of School Education and Literacy (DSEL) ni Director Swapnil Tembe East Garo Hills a∙jani nirokenggipa official rang baksa ua a∙jao rikenggipa skul nokrangko nirok sandianiko dakangaha.
Skul nok ko rikenggiparangko name kam ka∙china aro on∙gimin somoi gita matchotatchina aganaha. Ua skigiparang aro Managing Committee rangko name niroksimsakaniko dakangchinaba didiangaha.
An∙tangni ua a∙jao DC ong∙miting somoi o una manderangni ka∙saani aro simsakaniko gisik ra∙e mittelpilanikoba on∙angaha.
