Manipur a∙doko so∙sojengjeng ong∙aniko man∙e, Meghalaya a∙dokona katnapaenggipa manderangni bidingo nirok sandie see rakkichina ge∙etataha ine a∙dokni skotong dilgipa Conrad Sangma aganangaha. Uamangni neng∙nikmiting somoio pilak Northeast a∙dokni manderang uamang baksa bakrimpana nanga indiba an∙chingni a∙dokni gittimrango Manipur-ni bang∙bea manderangni re∙bae donganina chanchina nangao ga∙akenga ine ua agandapangaha.
Ma∙mong sorkari pilak neng∙nikaniko man∙enggipa manderangna cha∙ani ringani bosturangko chu∙ongagita ra∙bae on∙a nanga ine ua janapangaha. Unbaksana ua pilak songni nokmarang aro district-ko nirokenggiparangko nirikkie ja∙kurangko de∙china aganangaha.