June jani 21 tariko, sorkari adita department rang baksa tom∙bimonge a∙doko namjabegipa mikka balwani somoimitingo chagrongna nangenggipa obostarangni bidingo nipiltaina golporimangaha. Ia department-rangara, Revenue, Disaster Management, Food and Civil Supplies aro Health Department-rang ong∙a.
Ia tom∙bimonganiko, batanggimin antisa ni gisepo bilongbegipa mikka balwarangchi a∙dokni dingtang dingtang biaprango manderangni neng∙nikaniko aro nosto ong∙aniko nipiltaina ong∙ataha ine a∙dokni skotong dilgipa Conrad Sangma aganangaha. Pilak District Admintration ba District ge∙antio ia namggijagipa somoio manderangna dakchakaniko on∙a maikai uamang kam ka∙aha, uarang pilakon nipilangaha ineba ua u∙iataha.
