Tura, PA Sangma Stadium Complex-ni pakmarang be∙gruanina, Tura-ni MDC, Bernard Marak contractor-ni kosako New Tura thana-o badi ka·doaniko dakangaha. Uni badi ka∙anio parakatani gitade contractor-ni kam ka∙a chu∙ongjani a∙sel pakmarang be∙gruanichi samtangtango donggipa manderangni gamjinrang ru∙sianiko man∙aha ine ua parakataha.
PA Sangma Stadium-ni ong∙a a∙selara, mandetangrangko kam ka∙na ra∙napani aro ma∙mong sorkarini chamatgipa tangka paisarangko jakkalsretaniko mesoka ine ua matnange aganangaha. Uni badi ka∙anio ua raken am∙sandianiko dakchina didianiko on∙e dos donggipa mandeko raka sastiko on∙china ua parakangaha.
