Da∙ororo mikka balwa rakanichi a∙a ruronge aro chirang dal∙ani a∙selo a∙doko songdongenggipa rangna neng∙nikaniko aro nisiataniko ra∙baanichi sak sku manderangni janggirangko gimaatan baksa dam 150 songrangkoba nosto ong∙ataha. Walgimik a∙a rurongani a∙selo bristibar salo P A Sangma Sports Complex Tura be∙gruangaha. Ua apsan salon Ryndangbriew-o Umiam-ni niwatchakram biap be∙gruaha.
Batanggimin Budbar walni somoio a∙bildek rurongdapani a∙selo Shillong ni Lachumeire gittimo songdongkamgipa manderangna kenbegnigipa a∙selrang ong∙aha. Jerangan ia tarakbegipa mikka balwa rakanichi janggirangko gima∙atahachim uarangko a∙dok sorkari nipiltaianiko dakangenga.
